Bidelaguna aniztasunari erantzuteko programa eskolak bukatu eta gero egiten da eskolan. Informazio gehigarria honako web orrian bilatu dezakezue.
Eskolan, honako araudia bete beharko da zerbitzu honi dagokionez:
IKASLEAK
- Bidelaguna programan parte hartzen duten ikasleek klase guztietara joateko betebeharra daukate. Ikasleren bat egunen batean joan ezin bada, falta hori justifikatu beharko dio tutoreari edo Bidelagunako arduradunari.
- Ikasleren batek justifikatu gabeko hiru hutsegite edo gehiago baldin baditu, Bidelaguna programatik kaleratua izango da.
- Bidelagunako klaseetan jarrera zuzena izan behar da: kideekiko eta begiralearekiko errespetua izan, lan egin, denbora aprobetxatu, esanak bete… Hau da, eskolako araudia bete behar da. Bete ezean, Elkarbizitza Batzordeak neurriak hartuko ditu.
- Klase guztietara agenda eramatea derrigorrezkoa da. Agendaren jarraipena egitea ikaslearen ardura izango da.
- Bidelaguna hasi aurretiko denbora librean, hau da, 14:00etatik 14:30era, jangelan geratzen diren ikasleak ezin daitezke eskola eremutik atera.
- Klaseen ordutegia hurrengoa izango da: 14:30etik 16:30era. Puntualtasuna bermatu behar dute bai ikasleek eta baita begiraleak ere.
- Goian zehaztutako arauetakoren bat urratzen duen ikaslea Bidelaguna programatik kaleratua izango da.
ESKOLAKO IRAKASLEAK
- Bidelaguna programan parte hartzeko ikasleen irakasle taldeak proposamenak luzatuko ditu, aldizka birpasatuko dira altak eta bajak egon ahal izango dira.
- Lehenengo zikloko tutore diren irakasleek Bidelagunako arduradunarekin harremana izango dute ikasleen gora-beherak elkarri jakinarazi eta, behar izanez gero, neurriak hartzeko.
- Bidelagunako begiralea falta denean, familiei abisatuko zaie eta ez da klaserik egongo.
- Ikasturtean zehar, batez ere tutore direnek, Bidelaguna programan parte hartzen duten ikasleek agenden jarraipena egiten dutela superbisatuko dute.
- Mintegika, ikasturtean zehar landuko diren edukien edo gaien laburpena osatuko zaio Bidelagunako begiraleari, ikasleek zereginik ez daukatenean ariketa osagarriak jarri ahal izateko.
BIDELAGUNAKO ARDURADUNA
- Bidelaguna programan parte hartzen duten ikasleen familien eta zentroko irakasleen arteko zubi lana egingo du.
- Lehenengo zikloko tutoreekin eta Bidelagunako begiralearekin koordinazio bilerak adostuko ditu aurrez erabakitako maiztasunarekin.
- Bidelagunako saioetan sortu daitezkeen arazoei konponbidea emango die, familiaren, eskolaren eta Bidelagunako begiralearen laguntzaz.
BIDELAGUNAKO BEGIRALEA
- Ikasleen asistentziaren jarraipena egitea dagokio.
- Ebaluazio bakoitzaren bukaeran, ikasle bakoitzaren ebaluazioa egingo du.