Datorren larunbatean San Valentin eguna izango da. Hau aitzakia izanik, maitasuna izan dugu hizpide ikasleen hezkidetza batzordean azken asteetan: nola maite dugu Hirubiden? Maitasunaren izenean indarkeria eragin/sufritu daiteke? Osasuntsuak al dira maitasunaren izenean ditugun jarrerak? Gure nerabeek era osasuntsuan maitatzen ikasteko eredurik al dute? etab.
Batzordearen helburua izaera feminista ikas-komunitate osoan zehar sustatzea denez, hausnarketa eskolan barrena zabaldu nahi izan dugu horma-irudi parte hartzailea sortuz. Horma-irudi honetan ikasleek naiz irakasleek maitasun osasuntsuaren inguruan egindako gogoetak jaso dira eta parte hartzaileei, trukean, laranja zukua eskaini zaie, laranja erdiaren mitoaren garaipen-keinu gisa.
